يا غايبة والغياب أشعل مداهيل..
قلبٍ أسيرٍ.. عسى ربي يعينه
في غيبتك ليلي الموحش ماهو ليل
والبعد.. تُدمي خناجرْه السنينه
قلبي حلف ما يحن.. أو إنه يميل..
الا لعينك.. عسف مهرة حنينه
حرر لك أشواقه العذبة تراتيل
ينفث في داخلْك آيات السكينة
حبك نبت فيه واخضّرت محاصيل
وحدك ملكتيه.. وحدك ساكنينه
يا حلمي اللي لقابك صدق تأويل
رسمتي لمقدمه.. روعة سنينه
يالله تعالى وضمى عاشقك حيل
يا أغلي من الروح.. يا درة ثمينه
لا تجعلي اليأس في خفاقي يسيل
وأفراحي في بعدك الموجع سجينه
هذا محمد لك أشعاره معاميل
وضلوعه الجمر.. تصلاها الغبينة
فارت وهو في رجا طلتْك ويخيل..
زولك.. ويتجسد الهم بجبينه