اليوم غير وكن روحي للجسد تنوي الرجوع
اليوم بالتاريخ.. يتسطر بحبر من الذهب
اليوم مدري أستقبللك بالضحك ولا بالدموع
عجزت مشاعر خافقي تتصوره.. ياللعجب
وربي لو اني أشعلتلك أصابعي العشره شموع
ماظنتي تكفي لعينك ياأغلى من قلبي يحب
تعالي داخل هالحنايا وأروي يباس الزروع
تعالي شوفي انسان بعدك عاش في دنيا المهب
أرخي آذانك وأنصتي لصوت الحنين اللي يلوع
للعاشق.. اللي بين أهله عاش دور المغترب
أحدثك عن ماجرى بعدك.. من فراقٍ يروع
عن كل يومٍ مرني.. ونار الوله فيني لهب
عن عاشقٍ كل يوم يدعي تلوح شمسك للطلوع
يهمس لنفسه ياترى هل له نهايه هالتعب؟!
آسف ياعمري.. كانها هذي سواليفي تلوع
كدرت صفوك لاتلوميني.. ولاتزيدي عتب
وكل قصدي ياأعذب انسانه يارائعة الطبوع
انك تعرْفي.. قدرك بقلبي.. تعلّا بالرتب
واليوم كني طفل ضامي لشوفتك يبكيك جوع
تكفين.. ضميه بحنانٍ يحمله صدرٍ رحب
ياالله تعالي نبدل دموع الشقا بضي الشموع
اليوم غير.. اليوم يتسطر بحبر من الذهب