حبيبي جيتلك شاعر عساني أبلغ المضمون..
بشعْرٍ فارقٍ، يْليقبك، تزهابك طْروقه
بعد حان اللقا، بعد التعب، كل انتظار يْهون
مثل غيثٍ يفزّ لْه الشجر، تحيا به عْروقه
أنا جيتك اسابق موعدك لك عاشقٍ مفتون
معي قلبٍ لك يقدّم اجلَّ إحساسه وْشوقه
تجيني، كل مابي من نفَس يستقبلك بلْحون
مثل ماانفاسك العذبة بريح المسك مسيوقه
هنا نرسم أمانينا بْشكل راقي، وبأزهى لون
نعيش بْحبنا الصادق ونقطف حالي عْذوقه
يمرّ الوقت في قربك سريعٍ مااعْرف شْلون
كذا تْصير الدقايق همّ والساعات مخنوقه
عيوني ماملاها غير شوفك وانت ضيّ عْيون..
متيّم شافك احلى أمنية قلبه، ومعشوقه