مهموم أفتّش عبث في داخل كْتابي
محروم وأرسم عبث حلمي وأهذريبه
أناجي الليل عن همي.. ومن مابي
وحده ليا باح صدري ينصت بْطيبه
يا ليل.. مليت.. ما يلفون غيّابي
صارت شفاهي جفافٍ من تهلّيبه؟
أشعل حنيني وأنادم ضحكة أحبابي
غريب.. والعمر يعزف لحن تغريبه
صحراي قشرا ومسرا يتعب رْكابي
لا به دليلٍ.. ولا نجمٍ.. وتسريبه
مليت صابر ودمعي ذاب بأهدابي
لا صبر يجبر.. ولا دمعٍ وأعزّيبه
والحزن من سطوته صار يْتسلابي
كن غدا ضيف وضْلوعي معازيبه
حلمي تهدّم عجزت وخارت أعصابي
خلّفني أبكي على انقاضه وأهذريبه