يا هواي العذب لجلك جيت أسابق كل ريح
جيتلك شاعر لاضَلّ البوح وحدك:بوصله
ودي أقرأ حسنك الفتّان يالضي الصريح
يمكن أرسم بأجمل الألوان لوحه مذهله
يالجمال اليوسفي يصدح بها لْسان الفصيح
ويالقوام المكتفي.. وبْكل وصف مْكمّله
يا أم بسمة خير صارت طبع هالوجه الفليح
وأم همسة غير معزوفة صَبا ومْأصّلة
تِقبلين: يْفزّ لك قلبٍ بشوفك يستريح
ويوم تِقفي: كل شريانٍ لك يْصيح بْوله
خَلّك بْقربي يا كوني.. خَلّي الكون الفسيح
في غيابك كم يضيق.. وْكل أرضٍ ممحلة
لا تبالي ما سواك الحب والعشق الصحيح
يا أمل دنياي.. بعدك ويش أنا متأمّلة؟!
وآمريني يا عطا.. دونه أنا جودي شحيح
جاتك جْمالي غلا.. بأثمن عطايا مْحمّلة