تعب هذا الكلام العلقم بصدري زمن محبوس
وقلت الليله أحرر قيوده.. وأطلق سراحه
بنزف الحبر لاسال وعزف بوحي نغم هاجوس
على الاوراق.. لين إن الشجون تفز صداحه
انا المولود في واقع بفن الجور لي مهووس
هداني هالزمن ظلمى وفرحي إغتال مصباحه
تعبت اهدي لهذا التيه حيرة خطوتي وادوس..
على الاخطار متحدي ظلام الليل واشباحه
تعبت ارسم على الغيمه هقاوي عابرين عسوس
بعد صار المدى ممحل رياح القيض تجتاحه
انا اللي مل يحلم يصبح الانسان مل يبوس..
على خد الزمان الجاير ويستجدي افراحه
انا اللي ضاق يستقبل شقا ايامه وجيه عبوس
أسير الذل.. يملأ هالمكان الموحش نواحه
كذا الأحلام الأوهام وكذا المرجو منَه ميئوس
كذا ياالعالم المتعب اموت بحسرة الراحه
ولكن ياظروفي لو صعبتي معتبرك دروس
واقول إني هذاك اللي صنع مجده من جراحه
ابصبر رغم حزني انكساري حظي المتعوس
ابصبر.. والفرج لابد يوم أنول مفتاحه