على شط الامل ارقب زمن مثل البحر أطياف
عجزت استوعب أمواجه وأنا المكسور مجدافي
تعبت أرمق بريبه هاالسنين اللي تمر عجاف
على ضْفاف الاماني ضاع عمري طال ميقافي
ياواقع كم تجور ولاتعَرف العدل وإلانصاف
تعبت ابوس رأسك والقهر في داخلي خافي
تعبت احلم دهر حلمٍ عصى حله على العراف
تعب فكري يبرهن هاالغموض وواقعي نافي
تعبت استجدي البسمه تبادلني جفا وإجحاف
وانا اللي كل صبح أهمس لعلك ياالفرح لافي
ولكن حظي اللي بالردى ماله ابد أوصاف
ولو تصدح زغاريد الفرح بأقصى ركن غافي