مشيتك يالطريق الممتلي حيره .. أجر خطاي
مشيتك .. لادليل .. ولاجهات اربع تقدّيني
هناك ف تيهي اعزف للصحاري اغترابي ناي
وانا اللي من عرفت أحيا .. وهاالغربة عناويني
كذا عشت الظروف القاسيه مُرغم وذي دنياي
تصب الهم لي كاسٍ .. عليه إعتادت يديني
عزاي اصبر وادري حزني بصمتي وذا مبداي
كذا بروي طموحي من جروحي وابني سنيني
كذا الهم في حنايا صدري المغبون رايح جاي
كذا كن الحزن .. من عالم الافراح .. ملغيني
لمن بشكي وانا وحولي تجهم يْخنق شكواى؟
لذا بصْمت وافضفص عن همومي بيني وبيني
لمن ببكي ونظرات الشماته فرحها ف بكاي؟
لذا ببكي لوحدي يمكن دموعي تسليني
ابسأل ياالطريق الممتلي حيره ماعندك راي؟
جهات اربع متاهه قول لي من هو يقدّيني؟