يذوب الصمت بشفاه الحزين وللكلام حساب
قبل لايشتكي يسأل من اللي بصدق يصغيله؟
شعل شمع الطموح الزند نوح يعانق الاهداب
وذاب الشمع.. صار الدمع بوح أبكى مناديله
هي الايام دولاب.. وكذا نرضى بها دولاب
تدور.. ونرصخ لدوراتها.. من قلة الحيله
وش الفاصل مابين اقرب وهذي الاغراب؟
وش الحاصل نتوه بواقعٍ ياصعب تأويله؟
من اللي يعلم الغايب؟ حضور بحسبة الغِيّاب
ياحيره ماسواها في فضاء افكارنا نخيله
ياهذا الليل تذكر كم ضيا قنديل ضم احباب
وكم ذبت بسوالفهم.. طرب حبٍ تغنيله
واشوف اليوم لااحباب لاأنس وطموحك شاب
وودعت الضيا ليل الظلام إغتال قنديله
امانه ياالسنين المتعبه.. يالواقع الغلاب
كفايه هاالحزين يشيل همٍ جايرٍ شيله