ياضياع العمْر ضاقت وضيّعت الدليل
والفكر اضحى شتاتٍ عجزت أستجمعه
والجهات الاربعه .. كنها ديجور ليل
ياردى حظي .. غدت لي متاهات اربعه
جيت وسْنيني منافي وطنها المستحيل
رغم وسع الكون .. ملّيت أدوّر عن سعه
والفرح اقفى سحابه .. وانا قلبي ذليل
داخله عاصف حزن .. كل ضلعٍ يقلعه
ياشقا دنياي .. ماعاد يشقيني حصيل
من عرفت أحيا سوى الصبر مالي منفعه
كني اللي مغترب لا صديق ولا خليل
واقعه جاير ل صحرا المهالك يدفعه
عايشٍ دنيا العنا بين حَط وبين شَيل
لا طموحه ينتهض .. لا ظروفه مقنعه
َهذا انا دنياي غربة سفر عمره طويل
حاملٍ هم انكساري وحزني أمتعه