ياليل ضاقت وفكري فكْر غاوين
كم حزْن يعصفبي وْياس إعتراني
جيتك قساوة ظروفٍ تلعن اللين
جيتك بفضفض وأبي تسمع عشاني
أيامي أغراب وأحلامي مساكين
عمري متاهات وطْموحي عصاني
عمري محطات ماتعرف عناوين
لا الهم بي منجلي لا العمر فاني
ياما بذرت الأماني قلت: بعدين..
أعيش طعم الفرح وبْشكل ثاني
لكن جنيت إنكسار وْفاضت العين
.. دمعٍ: يعزّي على موت الأماني
وياليل لو ما انته مْن أصحاب غالين
ماجيت افضض وطاوعني لساني
من غيرك استامنه أو اهرب لوين؟
تسمع أنيني بقلب، وْصدر حاني