جيت الغريب وْجهاتي معمعه والدرب مهجور
أعيش حالة ضياع، ولاأهتديت إلّا لْضلالي
أهيم، والبيد يحضنّي تعب قيعانها البُور
إحترت يادنيتي، هذا المدى شاسع وخالي
وحدي وليلي طويل السُهْد هذا الكون ديجور
لا عين تجزع، لا رمش إهتزّ، لا قلبٍ يبالي
عمري قضى والشقا بْوجه السعادة بانياً سور
يعني كثر ماالسنين تْطول، عمر السور عالي
يعني كثر ماأرتجي عيشٍ هَنيَّ أعيش مقهور
كن الفرح: ضيّ سربه عابر: إلّا من خلالي
تعبت قابع بسجن الواقع اللي ممتلي جور
كم مرني ليل حزنٍ؟ كم من أحزاني بقالي؟
غلطت ياواقعي، جيت بْأمل يملاني غْرور
أبني طموحي، وصبري صامد بْوجه الليالي
وهبَّت رياح الشقا تْطيّر غصون وْتنزع جْذور
ملكني الياس، ضاق الكون، ضاقتبي آمالي
أصبحت غارق بموجة أسئله والفكر محصور
وشلون يادنيتي: تْشّحي عليّ بْكل غالي؟
وشلون وسط البشر عايش بلا معنى ولا دور
لاموطن يْضمّني، كنّي كذا: مخلوق جالي؟
ضاقتبي الأسئله مابه إجابة وانطفى النور
كل الاجابات عجْزِت، تاهت بْحيرة سؤالي
ومادام به درب يحضن خطوتي يفتح لها عْبور
بمشيه، لو كان دوّامه ويهديني لْضلالي