يعيش المغترب خاوي فكر مرغم بلا استفسار!
كذا.. يدل التعب دربه.. قبل لاتدله اقدامه!!
عبث يبحث في اوراقه.. سنينه عمره المنهار
وهو اللي من عرف معنى الزمن وايامه ايامه!
هو اللي كان يملاه الطموح.. يقوده الإصرار!
هو اللي كان يرسم بالتفاؤل اجمل احلامه!
حياته ماهي إلا وحده وخوف وتعب واسفار
ماغير الصبر يشعل همته.. يرفع به الهامه
يمر ديار بعد ديار.. في رجوى أحن ديار!!
بها رزقٍ يسد الجوع ينسى الفقر وآلامه
صباحه بس يستقبل مساءه صار وشهو صار؟
كذا تجتاحه الحيره.. كذا يسبح في دوامه
تمر اربع فصول.. وكنها من ضيقته تختار..
حسب نفسيته.. فصلٍ يحبه يقبل نظامه!
ولكن دونما ادنى اعتبار ف تيه دربه سار!
يشوف الازمنه مثل الخيال.. تمر قدامه!!
بقى له وش بقى له؟ حلم مكسور وألم وامرار!
يمر العمر عايش بالظنون.. وزحمة اوهامه!
كذا رحّال.. والواقع مرير.. وممتلي اسرار!
متاهة درب عيا لايدل وضلت اقدامه!!