الدرب موحش وخطواتي ألم بالفكر هوجاس
والحلم موغل بياسي والحزن من غير ذمه
اصرخ وانادي لوحدي كني بدنيا بلا ناس
غريب يبحث في تيهه عن وطن يقبل يلمه
هذا انا بمعمعة موج الغموض بفكر محتاس
اسأل ويحتار تفكيري ولاادري كيف ألمه؟
مليت اقول النهايه خيره بكره ينجلي الباس
وكأن بكره يقول اني انا ل أمسك تتمه
اغص في حسرتي والصمت كنه حد الامواس
يجرح لهاتي وصدري يشتعل من زود غمه
في داخلي طفل يشهق حزن مع ترديد الانفاس
عاش المعاناه بدري قبل ل فطامه يتمه
دنيا أرضعته الشقا والذل تحت اقدامها إنداس
محروم فيها من ادنى عاطفه أو لفظ يمه
مليت من هاالزمان اللي رماني ف بيد الاغلاس
مستقبلي تاه في موجه هوى قاعة مجمه
ياما تفرعنت جيته وبهَيامَه رافع الراس
واقول انا كالجبل راسي ولاريحٍ تهمه
يسقيني المر.. واقُلّه ياعمي زيدني كاس
لين اني اصبحت عبدٍ غارق بتعذيب عمه
وطموحي اللي بنيت اصبح حطام بمعول الياس
لين الحياه اصبحت في نظرتي ماهي مهمه
واصبحت اصفّق يديني من قهر وأعاني إفلاس
احترت كيف ابني احلامي على أنقاض المطمه؟
وحيد انا ماسوى هذا القلم يروي ل كراس..
قصة غريبٍ عجز يلقى وطن يقبل يلمه