أنا جيت أهتدي دربي أو إنّي عن هُداه أضِلّ؟
كذا تاهت جهاتي، وإبتدت رحلة معاناتي
كذا صار الفضا عتمة ضياع، وْلا قدرْت أدِلّ
ألملم حيرتي، أحضن شقايه وإنكساراتي
سنيني موغلة بالواقع اللي ممتلي بالذِلّ
أماني ضايعة، والياس موجه جاير وْعاتي
ألا ما أقساك يا ظْروفي عجزْت وْما بقالي حَلّ
تعبت أصفّق كفوفي قهر، وأضُمّ دمعاتي
يا خلّاني أنا اللي مغترب ما له وطن أو خِلّ
عبث أمشي ومدري وين تاخذني مسافاتي
وحيد ف زحمة العالم تخوّفني وجيه الكُلّ
تحشرج داخلي حزن الكلام، وْاطلق سْكاتي
تبعت أقول: يا عقدة زماني لْكل عقدة حَلّ
ولٰكنّ الزمان يْقول: "هونك" واسمع الآتي..
"تصبّر قد ما تقدر، الين الصبر: منْك يْمِلّ..
وسير وْقول: يا درب الشقا مهديك خطواتي"