يا صاحبي لاطال بك ليل السواد
طرفك على سُهْد الليالي أُوزنه
حاول تجابه واقعك صبرك عتاد
حاول تشوف المستحيلة ممكنه
واختِر مطية رحلتك قبل الشداد
بعض الاشدّه بالصعايب هيّنه
هذي سنين العمْر من خلْقت جهاد
تمضي سنه وتسلّم الهم ل سنه
لاصرت متغرب وضاقت بك بلاد
المغترب.. ما كل دارٍ موطنه
وان شانت ظروف الزمن جور وعناد
كيّف ظروفك حسب كل الأزمنة
ومادام به ربٍ وفي مدّه جواد
ارفع يدينك له بنفسٍ موقنه