ياطول ليلي وانا اطرد طارق الفكره
واصد عنها وانا مالي سوى ياسي
ودي ولكن ودي مالقا شكره
انساه لكن نصيبي طولة اعماسي
من يوم طيره لقا في داخلي وكره
وانا لو يغيب لحظه صرت منحاسي
ياوجد روحي مداد البعد ياعسره
لاقلت ابصبر لقيت بربحي افلاسي
ولاقلت ابجزع بمد البعد مع جزره
زاد الجزع طول حزني وانكسر باسي
حيره خذتني ولا ادري وش ورى بكره
اخاف اموت ونصيبي قلت اوناسي
لو تنشدونه بطول البعد وش عذره
يقول مدري اضني كنت له ناسي
كانه ذكر قولو اني له على خبره
تدرون قولو له اني منكسر فاسي
قولو هجوس المعنى لك كتب حبره
ويقول عيني نست من عقبك انعاسي
لا والله الا شربت المر والصبره
من كاس هجرك وضاع ابسكرته راسي
والصبر ماعاد ينفعني عزا جبره
من يوم غبتي وانا غارق بهوجاسي
يا كسر قلبي ويا صدعه ويا ثبره
كن الضلوع المحاني دق الاجراسي
انام ويكن نومي داخلي عبره
عساي اكون ابمنامي سيرته ناسي
وافز من عز نومي لازعج ذكره
واقوم فازع يطيح الجسم متواسي
ياطول ليلي وانا ماني على فكره
اصد كلي وانا مالي سوى ياسي