ياخاطري والمعاني وانت صاخرها
وانته من الحب لاتروى ولا تشبع
ابحرت ياعود للغبات عابرها
كيف اقنعك وانت تسمعني ولا تقنع
كل السواليف مع شاعرك خابرها
لوتقسم اللي يعد همومه وتجمع
وليالي الشوق هدت حيل ساهرها
وعيون مضنيك لاتبكي ولاتدمع
اللي نبهت القوافي لجل خاطرها
غنيت ولحونهاتصمت بي وتسمع
غنيت للي يبث العطر زاهرها
يدفعني الشوق والاحساس لي يدفع
غنيت للي تلوح بروق ماطرها
للمزنه اللي قبل مس الضما تفزع
لوترفق عيونها بعيون شاعرها
اللي على شانها بالليل مايهجع
غنيت بحروفي الي يوم افسرها
بعيونها الي بجست بشوقها منبع
مشاعر اشعور شاعر في دفاترها
والفارس الي تنحر فوقها الاشجع
سلطانها لوتمكن جوف حاجرها
ماترقد الليل لين الصبح مايطلع
مايمتني من يجي بالرمح عاقرها
لخيول خيال لاتخنع ولا تخضع
في عين منهو لذيذ النوم هاجرها
سميرها في دياجي ليلها يسطع
خاطر يسج امنياته مع معابرها
لأيت وسيله تبرر غايته يرجع
مجبول الاخطار يامنهو يحاذرها
ينظر بعين اليقين اللي بها يقطع
يالحض الامال حض الي يخاطرها
منهو يسابق ذهابه جيته باسرع