بديت القصيده والقصيده تقول اهلين
اغني على الطاروق صبح ن وعصريه
الاياهجوسي هلي القافيه تكفين
ولاجاتك الهقوه ليا حل طاريه
لساني تنومسني وغيري يقول امين
هجوسي تجيب القاف بحروف سحريه
وعندي كلام ن ماختلف في رضاه اثنين
حروف الشعر تكتب وبالقلب مقريه
فنونه تغير لونها في زمن لالفين
وكلن حسب فكره وللفكر حريه
سلامي على شعر المهلهل وشعر الحين
وشعري من الوجدان ماهوب عاريه
واحيي هل السامر واحيي هل الصفين
ترى الجزل يعرف ويتعرف بماريه
كتبت ونفشت وصغت من خاطري حرفين
وحروفي المكشوف ماهي بسريه