يا راعي الهقوه وش اللي جرالي
يوم الغلا تقهوى حبيبي وفيني
مرت ليالي شفتِ فيها الثمالي
من زود شوقي للي سرقت حنيني
أول احسب اني صعيب المنالي
لين اكتشفت اني بيده سجيني
سجانتي يا من بها الجو عالي
لبى هنوفك يا شموع السنيني
خمر الانوثه في غرورك مثالي
واحلى المعاني يوم وصلك يجيني
ولعت قلبي يا سمي الغزالي
وانت الذي لا بد لي يحتويني
غريافتي يا توق قلبي تعالي
لم الحبيب اللي لقلبه تزيني
والله ثم والله ما هي ع بالي
كل المشاعر مير حبك متيني