عبث برسمك لوحة ولو ماني ب فنان
وقولي لي: يافنان بسْ بينك وبيني
أبرسم، وانا أعرف كلها بعثرة ألوان
وأبحلم كذا يْدينك وهي تحضن يْديني
أنا طالبَك لجلي شويّ إهدئي من شان..
أطير ب خيالي، ريشتي تْدلّ تلويني
أو أقُّلك: كْفاية انا العاشق الولهان
سكوتك يموّتني وهمستْك تحييني
هنا ساكنة قلبي، هنا كلك الأركان
لذا لجل أعيشك صدق بالحيل ضميني
جمالك فريد وْلاسوى سحرك الفتان
معَك كل ساعة عشتها إتْريَخ سْنيني
في بُعدك أعيش بحيرة آعايش الحرمان
وأشوفك، أحسّ إنْ كلّ شيء بِك يهنّيني
فديتك خذيني صبّك الهايم النشوان
أباعيش بأنفاسك وأباضمّك ب عيني
ولو برسمك، وانا امتلك موهبة فنان..
آتوه ب ضياك وْمدري أيْ لون يِهديني