بطل سكات واطلق اللسان
انطق خرجنى من يأسى
مش شطارة م الأنسان
لما يقول ياللا نفسى
أنا ماأتخلقتش فى الحياة
لجلن تعيش على يأسى
تعالى قاسمنى فى الدمعة
وأوعدك إنى هاكون لك الإنسان
اللى يقاسمك الضحكة والأحزان
لأبعد مدى..
مش هاركب راسى المرة دى
وأنت ماتبقاش جانى وقاضى
تحكم وتتحكم..
مليان على فاضى
حياتى معاك اعيشها بالتراضى
ماتخليش بيننا المسافة تبعدك
وأوعدك إنى هاكون لك الإنسان
اللى يقاسمك الضحكة والأحزان
لأبعد مدى..
لأبعد مدى وأكتر ماتتصور
مش من فراغ نجم السما ينور
ومش بسهولة يفيض بى وأدوّر
ع اللى يجرحك.. وأجرح وأتهور
تعالى أنا وانت ندور
على سكة للتغيير
خلى كل من فينا يخاف ع التانى
وأوعدك إنى هاكون لك الأنسان
اللى يقاسمك الضحكة والأحزان
لأبعد مدى..