أول برلمان بعد الثورة
باين عليك يامجلس
هتبقى مجلس همبكه
من أول السطر
بيناتكم قامت معركه
يعنى الكراسى لسه
لازقه فيها الفبركه
وع المنصه ه تقعدولنا
خبير فى ضرب المطرقه
وهاتصقفوله زى اللى قبله
وحنا ه نشبع قهقهه
لاهاتغيروا ولا ه تتغيروا
لحد ماتزيد المحرقة
لاهاتحلو ولا ه تربطو
ديمقراطية مش كلمة منمقه
ولا حبة جراءة
تخوضوا بيها المعركه
ديمقراطيتنا ميزانها عدل
والعداله ماتكرهنيش وأحبكا
اتحانقتو بدال ماتسعدونا
وتقولوا للعالم تغيرنا تحققا
هاتعدوا بمصر للأمان؟
ولاهاتسقوها الذل بملعقه؟
كأنك يابوزيد ماغازيت
ووقفت بميدان التحرير
ولا زعقت من قلبك
وناديت بمطلب التغيير
وقفت لكل مين ظلمنا
ولعب بمقدراتنا وأحرقا
وهلت على إيد شبابنا
نسايم تنجينا م ال مَخنقه
أول جلسة ت افتتاح
وكل أعضاءك مرهقه
ونا اللى كنت بأعد اليوم
تحت القبه تتلموا بوطقه
وتصلحوا لنا الموقف
ونشوف العداله محققه
ماتضحكوش العالم علينا
لحد مايشبع قهقهه
مجلسكم البائد كان موقر
ب يشرب من دمنا وحنا
شربنا النيل أبو ميه معكرة
وياما اتخدعنا كتير
من أعضاء لجانه الموقرة
فى حلفطتهم كانوا موقرين
وكدابين لحد المسخرة
كتير صنعوا لنا الآلهه
بقفال مسوجرة مجنزرة