القصيدة نبض

القصيدة نبض

وروح، وَدَمْ

القصيدة قلب

وصوت، وفمْ

يرتل لك طريق للحلم

رحلة مُعناتى وبوحىِ

لما تنام على دَقَة قلبى

يحاصرنى وَهْجَها اللى طالع

وهى بتشبُّ فى غابة روحي

ودايماً تقسا عليَّ.. تعذِبني

وتلطخ بالحزنِ كلَّ جروحي

القصيدة فيها نسمه

وشفايف مبتسمة

روح وقفت تعدد على روح

جايز تلقى في الآخر بَسْمَهْ

وكفوف بتمسحلك الدمعات

فيها معنى ويجوز معانى

فيها لمحة ولو ثوانى

ولكنَّها مش كلام

ولا حَجر ميِّتْ

ولا شويةْ رُخام