مدري وش اللي صار لكن من العام
أفكاري السودا براسي تدلت
كني سجينٍ منحكم حكم الإعدام
واطلق معاريفه من الناس ولت
لو هو تناسى عارف الموت قدام
ولو هو تفائل غصة الحلق حلت
ضاقت به الدنيا ولا بيده أحكام
وفي موطن أفراحه جروحه تسلت
مسلوب حتى من طموحات وأحلام
وحتى أمانيه القديمة تخلت
كان بيديه يقاتل ظروف والآم
ويده القوية في قسى الوقت شلت
عاف الحياة وما بقى له من أيام
ومن زود طيبه دنيته له تبلت