لا يزعجك يا صاحبي هرج الخبل ويجيك ضيق
ما أحسن من الحقران والتطنيش حاجه توجعه
لا صار يبغى الرد خله في وسط صدره حريق
اسفه كلامه واجعل الخصران حلٍ يردعه
اسمع وعدا الي يعدا لا توغل بالعميق
الي يدقق يبلش العربان ويلقى مصرعه
والي يعاين في عيوب الناس ماعين صديق
لا تنظر بوجهه ترا للكون وجهات أربعة
والعقل لامنه غفى لا يمكن إنه يستفيق
والي يشوف انه منزه لا تحاول تقنعه
ولاهو بلازم ننقسم قسمين ونكون فريق
ترا البساطة والتعايش أفضل من الزعزعة
ودام الطريق الي سلكته صح لاتهاب الطريق
الحق في هذا الزمن قليل منهو يتبعه