بعد ليلٍ سريته لا هو بكيفي ولا مشهاي
فتحت أرشيف حاجاتٍ من أول كنت مخفيها
ملف لسالف أيام العذاب وضيقي بدنياي
ملف لخيبة طموح الحياة وكسر راعيها
لقيت القل وأنا الي مجيي كان من أقصاي
وعرضت الخفوق لحاجةٍ ما كان قاويها
وقنعت من الطريق الي ما قدر جيتي وخطاي
ولا قدر مسافاتٍ أنا من قبل ما اخطيها
تلاشت رغبتي بالوصل بعد الي حصل وياي
وأنا نفسي تعيف الحاجة إن بانت مساويها
اثر بعض الأمل سبة شقاي وضيقي وبلواي
واثر ياسي يحل العقدة الي كنت بنهيها
عرفت إن المشاعر بعضها تضعف قوي الراي
واثر ما تجرحك غير القلوب الي تداريها
ومصيبة يوم أراجع في معاناتي ولا ألقى عداي
ولا ألقي غير طعنه من يدينٍ كنت أداويها