تجود القريحه وتمكن من المستور
وينبع من الوجدان مايهزم سكاتي
احد شافني مخطي واحد شافني معذور
وانا ما بغيت الا هدوي ومنجاتي
ويمر العمر مابين ضيقه وبين سرور
لكّن المصيبة يوم انا عفت لذاتي
ياشين الشعور الي اعيشه وانا مجبور
وياشين الحزن كانه تنحر مسراتي
احسد الحزين الي يمثل وعاش الدور
مامره ربع مامر واخلف حساباتي
ظروف الزمن تطغى على الساطي المنعور
وتبطش ولا تنظر لعزمي وسطواتي
واخاف اترك الممكن واعود على المحظور
وتصبح صعيبه بعد هذي مراضاتي
وانا لي زمان احس وضعي شبه مأسور
وتنازلت حتى عن بعض من قناعاتي
بداياتنا كانت محبه وصدق شعور
وهالحين اشوفك في قوايم معاناتي
وبعد مرت الايام ومرت بعدها شهور
ليا جيت هالحينه ماتقدر مواساتي
رضيت الغياب ولا رضيت القهر والجور
لو ان الغياب اوشك يقرب نهاياتي
لاغاب الامان الي بغيته وصرت تدور
تجي الصده الي تبعدك عن محطاتي
ويموت الحكي والي خلاف الصدور قبور
لو ان انعكاس الصبر بين بنبضاتي
وترا كسرك الي قد جبرته وانا مكسور
ماشوفه شفع لي وانت بيدك مداواتي