الله يعين الي على وجه البسيطه ما استراح
يبذل جهوده في طموحه لو محاصيله صفر
يعذبه صوت الهدو ويشتته صوت الرياح
دايم يدور راحته لو كان ما عين مفر
لو فاض صدره من غضبه تشوفه اقرب لسماح
تغلبه طيبته ويعيف الحقد ويعيف القشر
ماهو بصالح لكن يكافح على درب الصلاح
احيان يطلب مغفره واحيان للناس يغفر
في عزلته طعم السكينه كنه اطلاق السراح
لا صد عن كثر الجموع يعيش في رحله سفر
ياخذه صمته للفضاء لو كان مايملك جناح
ويخاف لا يلمح على وجهه من الضيقه اثر
ترا السكوت احيان نوع من المعارك والجراح
معاركٍ ماهيب فالحسبه ولا فيها ظفر