ظلام الليل يغزيني ولا املك من ظلامه نور
وابظهر فرحتي للدرب لو ماني على اليمه
ما دام إن العمر مره وتاليها كفن وقبور
وما دام ان البنادم آخرته ترابه يضمه
تعبت اكابر واسكت وانا من داخلي مقهور
وتعبت اصد عن طاريه واشيل بداخلي همه
احبه شي كاتبه الإله وفيه أنا معذور
مادام الله خلق فيه الكمال وصار به تمه
كشفت الي مخفيه وتباين ما بقى مستور
لو اني مابغيت اجيب في بوحي لي مطمه
إذا شفته احس إني ملكت الكوكب المعمور
وإذا فكرت في غيره احس أني بلا ذمه
غيابه في حساباتي على الساعة ثمان شهور
وشتاتي كل ما يكثر بصوته يقدر يلمه
إذا قلطته بقلبي أقول اقلط على الميسور
تفضل والمشاعر كلها من شوق ملتمه