رفرف على راسي علمهم

رَفْرَفْ عَلَى رَاْسي عَلَمْهُمْ

وأنا رِفَعت إيدي اسْتِسلام

ما شَيْ مَحَبَّه عقب حبهُم

لَي استِوَوا للأعمام اعمام

اللّي رِغَمْني مَا رِغَمْهُم

قاضي الهوى وسِلطان لِغرام

غَرَّق هل الدنيا كَرَمْهُم

وتعُوزني شِرْبَهْ مِ الاكرام

يا رب هَوِّن مِنْ بِطَرْهُم

واعطف وسخِّر خَلْق لوسام

عِذت بِكَرَمْهُم مِنْ بِخِلْهُمْ

ثم لِذت لاجي بحِلو لوشام

إذا رِمَوا لله درهُم

مَا خِطَن لِبْ القَلْب الاسهام

اللّي سِقاني كَاسْ حبهم

ليتَهْ سِقَاهُم قَطْرَة غرام

قالوا: اش حالك؟ قلت سَلهم

هُمْ أدْرَى باعواقي والآلام

أسايِل النسمات عَنهُمْ

لَي يَنّي مِنْ وديان الآرَام

استلموا قَلْبي مَا استِلَمْهُم

واملكوا رُوحي مِلك حِكّام

قَلْبي يِتْكَدَّر مِنْ كِدَرْهُم

مَا افرَح إذا ما يبدي ابسام

ولا امشي إذا ما ريت ثرهم

اتبَع اثَرْهُم وهُم جِدَّام

أهل الطمع الله لطَمهُمْ

بطَبْعَه وطَهَف والموي لَطَّام

وأهل الحسد الله كِسَرهُم

وماتوا بحِيرَه وهَمّ وارغام

والواش الله لا رِحَمهُم

ولا سقاهم قَطر لِغْمَام

مِر بي عَلَى مايل طلّعهم

عليّه بنثر دَمْعي اسجام