عَلَى الْعَود يَا صْغَيِّرْ بَبَدِّيك
جِسمَة هُوى وغَيّ وغَرامِ
سَبْعين مليونٍ لاهَالِيْك
وسبعين مِنّي لِكْ انْعَامِ
وسَبْعين عَنْ وَطيّة اثاريك
باعداد مَا تُوطى الاجدامِ
وسَبْعين يَا سِعدِك يَا لَبّيك
وسَبْعين عونِك عَ الدّوَامِ
عِنْد الشمس اختِك بَوَدّيك
أوْ عِنْد اخوك بَدر التِّمامِ
هُمْ فِيْ الحِسن الْهُم شِبَه فيك
ويزيد حِسنِك بابتسامِ
فِيْ مِعزَلٍ مَحَّد مَعاليك
غير الله خَلّاق الاتامِ
عَنْ فِيْ شَملِك غاب واشيك
فِيْ مِنحنى طعوس الأكامي
يا ريم لا يَا المَحَل واديك
يِعلَه خِصب فِيْ كِلّ عَامِ
ترعى الخزيما فِيْ مفاليك
وايّود هَطَّالْ الغِمَامِ
ولهان وأحِبِّك وداريك
وأخفيك عَنْ ضَيّ وظلامِ
اشِّر لِكْ بكَفَّي وانَاديك
بِفوادي وروحي وكَلامي
روحي عِزيزَه وبها افديك
وارخِص غلاها فِيْ المسامِ
حِزت الغلا مَحَّد يساويك
مَخصُوص عَنْ كِلّ الأنامِ