يَبّالْ واحبَابي عَلَى البَالْ
واكْثَر حِسْبِتِي مِ المداخيل
مَا اروم احَمِّل قَلْبي اهوَالْ
وامد فِيْ سِفن المظاليل
أبْغي أشِم الوَرد والهَالْ
مِنْ خَدّ خِلّي تَالِي اللّيْل
فِيْ وجنِتَه واخفيته الهَالْ
شَط مَا الملاحَهْ غَدَّرْ يسيل
أبيَض وفِيْ ساجي الجِفِنْ خَالْ
أسوَدْ كَقلبي احتِرَق ويل
والخصر فِيْ نِصْف الفِتِر يَالْ
ناحِلْ كَجِسمي مِ التِّعَلّيل
حِبّه طبيعي هُوبْ زَعّال
كَمْ كَمْ وصَلْني حَافي الريل
يَبغِي رِضايَه مَا يبا المَالْ
مَا كِدْ عِضَلْنِي فِيْ المباذيل
وان يوب لِهْ مادي العِذّالْ
قَالْ اتركوني يالعذاذيل
هواه يْقَوّي القَلْب والحَالْ
ومِهواة غيره تَضعِف الحيل
أسأَل عَنّه وهو عَنّي يسألْ
وفَنّ الهوى السابع بنا يميل
صلاة ربي عَدّ مَا ذَالْ
جِفنٍ هِنِي بمجيلٍ وليل