يا مطلق الروقي عقب هاك الأيام
ما فارقت حدب الضلوع الهمومي
الله وكيلك تهت ما بين الأعلام
اللي على درب المحبين تومي
مرات اقول امشي على الدرب قدام
ومرات واجد يردعني سلومي
ومرات أغازل طيف ذكره بالأقلام
وتضحك بوصله لي تباشير يومي
ومرات أخاف اني من الخلق بنلاّم
واخشى كلام الناس قومه وقومي
ماكني اللي فارقه خمسة أعوام
ونفضت من حب المدلّع هدومي
أنا يا أبو فارس من الحب منظام
لني عشقت ولا عشقت الرحومي
اللي عكس من قسوته لين الإسلام
كنه فعول اللي من الناس دومي
يا كثر ما فجّر بقلبي من الآم
ويا كثر ما طيّر من العين نومي
تجيني أعلومه جديدة في الاحلام
ولا ادري عنه لو ما يجنه علومي