سلام مني ياصل القرم سلطان
حر شلع من فوق متن السحابه
اللي له المعروف والطيب عنوان
يعجز كلامي فيه يوفي جنابه
سجلت لك ياصاحب العلم قيفان
وازدادت القيفان قدر ومهابه
اهديتها في ذكرك احساس ولسان
واهديت كاتبها وساع ورحابه
يامن نوى الترحال ومفارق اوطان
في رحلتك تزداد فهم ونجابه
والي طلب للعلم يلقابه احسان
يرقى المعالي لين يبلغ نصابه
مثلك طرق للعلم والفهم بيبان
ويفتح مثل شرواك للمجد بابه
صدق المفارق صعب لكنه احيان
فيه الغلا لوشاب يرجع شبابه
ارقى سنود العلم لوكان ماكان
لك لو يطول الدرب صبر وصحابه
تحيزمو بالصبر وسلاح الايمان
والي دعا الرحمن يلقى الاجابه
يا الله عساكم دوم في عز وامان
وكلن على ماقيل يوكد زهابه