عليّ الشوق لقوّم على شانك قيامة ناس
ولوقف لجلك الدنيا على رجل ولا اقعدها
هنوفٍ من ذهب وإلا هنوفٍ كلبوك الماس
عسى اللي تسعد عيوني مع الأيام مافقدها
لو انك ما خلقك الله يا عودٍ زاهياً ميّاس
عرفت إن البشر ماهي بشر من ربي اوجدها
إذا ضقتي تضيق الأرض فينا والهوا ينحاس
وإذا رقتي تصير انفوسنا اية شي يسعدها
أنا ما شاق قلبي غير نجمٍ واحد الأجناس
ليا منه صعد قلبي مجرّة جاب سيّدها
عنود الصيد فزيلي أنا جيتك خفوق ورأس
هذي كامل اضلوعي لك على شانك ابا افردها
تخيّر يا مذاري اللطف يأجمل شي بالنساس
تخيّر فاجمل اضلوع الحبيب ودونك إقعدها
انا من لحظتي هاذي لسان يزرع الإحساس
تفضل وأقرني واللي ما يعجب ذوقك ابعدها
لك الفال الحسن والأنس ولعدوانك الوسواس
ولأناملك الرقيقة عقدةٍ من قبل عاقدها
حقيقه من تنافس رونقك لاعب بها الخناس
جزاها من يوديها للقاضي الزين يجلدها
وأنا ماهني اللي قبل ما ياطا برجله قاس
أنا أهني مشاعر ناس تسعد في تبلدها
إذا في ليلة وحده دخل ضد اليقين الياس
علي الشوق وهيامك وعلي الحب ما ارقدها