بكره لمن راسك توسد وسادة
وسرت بك الذكرى على ماضيٍ فات
والذكريات تمر بالك إعادة
ومضى عليك الليل والطرف ما بات
وعرفت كم كانت حياتك سعادة
وجتك أسئلة ولا لقيت الإجابات
وطلب خفوقك من خفوقك إفادة
ثم واجهك بجروح قلبي بالإثبات
وهرب غرور الذات وأخفى عناده
وسبحت با أفكارك ما بين المدارات
وشلون ممكن تقنعه عن وداده
وشلون تلقى عذر تقنع به الذات
وصوت الحقيقة صار يعلو زيادة
ما تردعه دمعه ولا تنفع آهات
هنا يبي يهجر ضميرك رقاده
ويذوّقك عدله جروح وعذابات
قومي اسهري ليلٍ يوحش سواده
الليل مرعب ما ظلامه سلامات
وقلبي عفى لو كان غادر بلاده
وإعادة الماضي من المستحيلات
قدمت لي قهوة من الهجر سادة
وشربتها مكره وغادرت بسكات