اشاحت تداري دمعة تجتول فالعين
عليها الله اكبر كيف في موادعي سوّت
بموعد وداع وحزن جت في تمام الزين
لفت زي شمس الصبحٍ فالبرد ثم ضوّت
تماسك وجع وتخبي اهه وضيق الين
طهر دمعةٍ طاحت على الشال ثم دوّت
لك الله صبح أيلول فرقتنا غالين
وفوّت شيءٍ بين الأحباب ما يفوّت
بعد ها الوداع أقسمت لبقى من الوافين
وهي الله أعلم بعد ها اليوم وش نوّت
فقدت اللي عطتني قلب دلوعة العشرين
وكبرت ثمان اسنين وشهور وحلوّت
بعدها يا صبح أيلول سلم على تشرين
ما هموني العالم لو العالم يموّت