من حقها كل ما غازل هدبها الغرور
وأهديتها من وله قلبي حروف الجمان
قامت تغلى تعرف إني عليها غيور
وتقول قلبي بدأ يفقد شعور الأمان
مع اني احفّظ الأبيات سرب الطيور
اللي على غصن شجرتها تفل الحنان
امطر لها شعر وتخبي علي السرور
وتقول ماهي بحلوه زي شعرك زمان
قد قلت من ساعة اهدتني بطاقة عبور
والله مالي سوى قلبك ملاذ ومكان
وخلتني بدائرة أعيش فيها وأدور
وصوت الشعر باذخ وصوت الرياح الكمان
وأنا على غيها تدري بقلبي صبور
واخاف لوصل عقب صبري حدود الجنان
لقمت من نومتي دورت لآخر ظهور
وقمت انتظر ساعتي متى بنوصل ثمان