الله لا يمهل حياة الجواسيس
والله لا يمهل حياة الدويني
والله لا يترك على اليابسة تيس
والله يعين اللي عدوه بطيني
رجال وجهه يحتمي ضمَر العيس
ورجال وجهه مثل وجه الحصيني
الأرض مختلفة فجوج وتضاريس
وضاعت بها خطوه وثمرة سنيني
اجي لها جية بعيد المراميس
وأحمي وساع ثغورها وتهجيني
أفك عوق اللي عليها محابيس
وازرع بها الحنطة وتجرح يديني
ما تقلق الأفكار غير الوساويس
والكلمة اللي في الأفق تحتريني
يا صاحبي لا تبتدئ قبل ما تقيس
أحذر تشوف اللي أشوفه بعيني
وليا عزمت تقدَ ليل الخراميس
أرفق على باقي شقاي وحنيني
لا يفضح المستور وهج الفوانيس
خله يموت ولا يساوم كنيني
ويا حبي لشمَر طنايا السناعيس
مع اني اوالي عيال القنيني
يا هشام هات التبغ وافتحلي الكيس
وأقرب عليَ ليا ولعت يا ضنيني
اقراء من اللي في صدور القراطيس
واحكم عدل بين الليالي وبيني