نامت نجوم الليل وأنتي سهرتي
يا مترفه قولي ورى ما تنامين
أنتي عقب فصل الوصال أنهجرتي
وتنام صبح النور والليل تصحين
وش كثر لميتي جروح ونثرتي
وش كثر خليتي بدربك مجانين
دخلتي التيه الخطير وعبرتي
والحين غنيتي أغاني المغنين
أبتوهمين عقولنا انك صبرتي
على جروح القلب ومدامع العين
أنتي بلحن ابعاد فايق جبرتي
عشاق صاروا من هواهم مساكين
الصوت ناداني وجيتك وحرتي
وشلون ممكن في جروحي تسوين
جددتي جروحي ولمتك وثرتي
يمديك من رجلٍ بثوبه تقاضين