انا لنويت انظم من الفكر عقد اللول
تبي تشعل النيران فاللي يماريني
صريح الكلام وشاعر وناقد ومسؤول
ولي خطوة تحسب ولا أحد يقديني
ليا جيت للشعر الحقيقي وقف مذهول
نزيف الشعر من عقب وضعه يحييني
أصب الجمال اللي يعمّر لمية حول
على شاطئ الاذواق وتزفه ايديني
يلاقي به المتفرد القاري المأمول
من انتاج تجربتي ومن خبرة اسنيني
يسافر على ريح الصبا للسماء محمول
وتجي ندّر ابياته من العين تبكيني
علامك يا صبح النور طيّر شعاعك جول
وانا كنت اقول الجول ما هو بناسيني
تفتقت من ظلمه ونزلت بيتك حول
خفوق العذاب ووسط حارة شراييني
لعلمك وضعت البيت في خائع مدهول
من المنجم اللي بعض الاوقات يؤذيني
تبجح يا شعري والرها مايبي مدلول
على كل مشيوفه من الوجد يمديني
ليا من كتبت وجت ضيفه بتوخذ دول
من اللي اليا حط الصحن جود يقريني
وترى أكثر ما يوضع للرعية هو المخيول
مع ان الامور اليوم ماعاد تعنيني