ها النجمتين اللي سرن تالي الليل
آخر ما تترك للصباح انهزامه
خذن معاهن من حدودي مواويل
وخلّن وراهن من عذابي علامه
ودمعٍ يبي ياقف من الصبر ويسيل
ما حرّكه غير انعدام السلامة
يوصلك مرسولي قبل ظلي يميل
على هجينٍ ما يطوح خطامه
كرامة المرسول حبه من الهيل
وأقول يكفي ما حصل من كرامه
وقولي هلا ويزين لون الغراميل
وتطيح دونك من غلاك الملامة
هيا امطري حب ووصال وتفاصيل
ما تنقري فيها سطور الندامة
ولا تنشدين الأرض عن غيبة السيل
الأرض مثلك ما درت وش علامه
والسيل سرّ العشب روح المحاصيل
عشق النفوس وصولجان الحمامة
يحيي هشيم الأرض قطر المخاييل
والادمي ل مات ما أحيا عظامه
ويشفي من اللوعة رحيق المواصيل
اللي بها قلبي يتوق لغرامه