أنا ما عشقت ابيوم حتى أكرهك بعدين

أنا ما عشقت ابيوم حتى أكرهك بعدين!

تصور كل يوم يهب ذكرك بأول رياحي

مادام انك على سن الصبا يا الغالية تبكين

أنا أحب ذكره رغم كونه مصدر جراحي

أنا ما قول أكيد انك على لساني تبي تبقين

لكني بدفنك بأقصى ضلوعي وأنتي ارتاحي

كذب من يقول الحب ممكن ينّسي بعدين

وكذوب اللي يقول بتمسح أحزاني أفراحي

تفاصيلك بقت فالذاكرة ومعمّره للحين

اتدور ابها السوالف بيني وبين مسباحي

حبيبي أو عدوي.. زي ما ودك وما تبغين

قلي لي كيف أقاوم عطر ذكراك ل فاحي

معي من ذكرياتك قلب وعيون ومسا ويدين

تساريني من العتمة والاقي الوقت صباحي

لو انك تعلمين بحب قلبي لك غصب تبكين

مكانٍ ما توقعته وصرحٍ كان ثم طاحي

سلام الله على قلبٍ بصدرك يا أول الغالين

وسلام الله على عنقٍ طويل ورمش ذباحي

أنا ما أقدر أقول إني وحيد أحبابك الغالين

لكني أصدق الغالين وآخر همسي ارتاحي