أفرد جناحك وأترك الأرض للناس
وحلّق وشم من الهواء وأكسجينه
سافر مسافه ما تحدد بمقياس
خارج حدود آدم وبرى يدينه
سبحان من يقدر يجاوز بك الراس
وتروح ل أقصى الأرض وانته رهينه
هم في ملكوته ولا يقربك ياس
وأخضع لمن ما احتاج لحدٍ يعنيه
أوجد له أجناس وهو ماله اجناس
ورسم لنا درب الهدى والسكينه
يا فكري الخاطر من الناس حساس
لكن هات من الشوارد سمينه
ايقظ بها الغافل وصبّر بها الحاس
وونس بها بعض الصدور الحزينه
اليوم من ضيقي تضيق ابي الانفاس
تجثم على صدري همومٍ متينه
وقدام عيني حلمي ماضّي ينداس
تحت العجاف اللي مضت من سنينه
ذنبي تجاوز حلمي حدود الاقواس
ووقعت في فخ الزمان وكمينه
واصبحت عايش بين واقع وسواس
أفرح بعض وقتي وبعضه غبينه
جينا نبي نطبق نظرية الكاس
وعيت توافق مع هواء شاربينه
لحدٍ يجي منكم يبا يقول لا باس
لا والله إلا الباس خشمه وعينه