يقول لي أنا نمونه من الحور
وأقول لا تنسى مكان الفواصل
حطيت لك يامتلف الروح جمهور
ما تدري إنه من وسيلة تواصل
انته تنام ليا طلع أول النور
وأنا على سهري اداوم مواصل
ماني بحاجة للنصيحة وللشور
كل الذي ينقال تحصيل حاصل
بحط بين ارواحنا عزتي سور
تصير حدا بين الارواح فاصل
بتعب شهر شهرين ثلاثة شهور
ومن بعدها يا شط الامان باصل
اهوى اموت ببندقي قبل ما تدور
ويجرني كيد النساء للمقاصل