يا عاشق الصمت بيبان الحكي فضه
أدخل بها يمكن الأحزان تنساني
مض الزمن بالحكي والسالفة مضه
ما باقي إلا أنت وإلا مت وحداني
ما بيك تذخر تعب كل التعب قضه
مرتاح لا صرت تأمرني وتنهاني
لك وردتين على صدر الترف غضه
لا مال غضك تهاوت لين تلقاني
ليل جمعته تحت تاج الذهب قضه
من هامة النور وألقي ليلي الثاني
حتى تجيك الجروح الزرق منقضه
من خاطري لين ينطق حبك لساني
لو تشعل الجمر ماني خايف عضه
اكتب بلونه مواعيدي وعنواني
ما شفت غيرك عشان أقول يا حظه
هنيت نفسي معك من كل وجداني