نهايات الغلا ما هي بعيدة
تزيد الجرح وإلا ما تزيده
فراقك يا حبيبي كم يساوي
من أيام المواعيد الجديدة؟
أنا طالبك خذها من حياتي
ثمن فرقاك من نفسٍ زهيدة
من أول بيت والله ما خذلتك
إلى آخر بيت في عمر القصيدة
أنا ما عاد يغريني حضوري
على شان المجلة والجريدة
من أول كنت أحسب إني الحالي
وحيد ونظرتي دايم وحيدة
واثرني طول عمري كنت حاضر
بقلبي واطرد قلوبٍ بليدة
وصرت بعين نفسي شخص ثاني
غريب يحط تفكيره رصيده
وهو ما هوب ذنبه يوم يضحك
سعيد ويحسب العالم سعيدة
أقول أحيان يمكن ما فهمني
وأقول أحيان هو نفسه عنيدة
أحسب أن المحبة فيه تكفي
واثر كل المحبة ما تفيده
عطيته كل شيٍ كنت أحبه
وعطاني كل شيٍ ما يريده
عساي أنساه كان إنني ظلمته
لا راح العمر من يقدر يعيده