لو لسه بتحبها قوم
روح لها وسيبنى
خلاص ما باعت رخيص
ٱيه لسه هاينبنى
غير الأسف والندم
وهموم تعذبنى
ظلمتنى ف حبكم
ورضيتلى ٱكون مغلوب
وجايلى تشفع لها
يا لعنة وسط القلوب
ياما كان ف نفسي
ٱلتقى غيرك يناسبنى
إنت اللى طمعتها بغرام
وشوق مفروط
ولهفة ساعة اللقا
حتى اللقا بشروط
تتقل عليك تندلق
ولا فيش ميعاد مظبوط
وأنا وسط ناركوا انكوى
واحرق ف أعصابي
وكٱن من شرطكم
تتهنوا بعذابى
تباصينى نوبة ٱنحدف
وهى روخرة تشوط
بلاش تلومنى ف هواك
اسكت ما تظلمنيش
أيه يعنى بتحبها
هى ما حبتنيش
انت اللى شايلك حجر
ولا زكيبة خيش
لوكان مكانك حجر
كان حس من بدرى
ينبض شرار ينطلق
وينط من صدرى
ويزيحها عن سكتى
وياخدنى باللى شويش