قولو لكرونا إختشى
فى ناس كتير مساكين
والفقر من حظهم
ٱحمى من السكين
قطع حبال ودهم
ولا عدش ولا صاحب
ماسك ف ديلهم سنين
وهما مش مسكين
مش عايزة ليه تختشي
وتحسي على دمك
وحياة أبوك لقتلك
لو حتى رح اسمك
ومهما كان قوتك
ف الخبث متخفى
لا يهمنا من أبوك
ولا حتى من ٱمك
وقفتى حالنا ومعدش
فى جيبنا ولا مليم
واتهد حيلنا ما بين
اليٱس والتطلطيم
وقولنا نصبر صبرنا
ولسة بنقاوح
وقفلنا كل المصالح
واتنيل التعليم
يا أخونا صبرى نفذ
م الحبسة طول يومى
بلعن واسب ف ٱبوها
وبشق فى هدومى
حدش يقول هى فين
وأنا ٱروح لها بدرى
ٱقطع دبير نسلها
واحدفها بهمومى
وأنا همى ينسف جيوش
الفيرس الملعون
الموت كدا أو كدا
بدال ما عيش مسجون
وأقضى عمرى ف قلق
والرعب ملازمنى
ٱهى موتة واخلص
وأضحي بنفسي مهما يكون